ក្រោយផ្អាកប្រកួតជាមួយ Amir Khan ឥឡូវ Pacquaio រកបានដៃគូត្រូវឡើងសង្វៀងបានហើយ គឺធ្វើឡើងនៅខែកក្កដា
ស្ដេចប្រដាល់ហ្វីលីពីន Manny Pacquaio នឹងការពារខ្សែក្រវ៉ាត់ទម្ងន់មធ្យម WBO ជាមួយកីឡាករអូស្ត្រាលីមិនដែលចាញ់ Jeff Horn ក្នុងទីក្រុង Brisbane នៅថ្ងៃទី ២ ខែកក្កដាខាងមុខបន្ទាប់ពីការប្រកួតជាមួយកីឡាករ Amir Khan មិនអាចកើតឡើង។ នេះបើយោងតាមប្រព័ន្ធក្នុងស្រុកបានរាយការណ៍។
ទីប្រឹក្សាកីឡាករ Pacquaio គឺលោក Michael Koncz បាននិយាយនៅក្នុងការបញ្ចេញមតិមួយដែលចេញផ្សាយដោយក្រុមហ៊ុន News Corp យ៉ាងដូច្នេះថា "យើងមិនអាចវ៉ៃជាមួយ Amir Khan បានឡើយដោយសារបុណ្យរ៉ាម៉ាដាន ដូច្នេះយើងសម្រេចថានឹងលើកការវ៉ៃនេះទៅក្នុងលក្ខខណ្ឌបណ្ដោះអាសន្នសិន"។
លោកបានបន្តថា "យើងបានចុះកុងត្រាហើយ! ដូច្នេះយើងពិតជាពេញចិត្តអំពីការវ៉ៃនេះ។ ប៉ុន្តែម្ដងទៀតចំណង់របស់ខ្ញុំគឺវ៉ៃជាមួយ Amir Khan ទេ តែមិនបានដំណើរការ។ យើងមានការប្រកួតមួយនេះនៅលើតុ ដូច្នេះសម្រេចថាយកវាតែម្ដង"៕
No comments